Para sa mga Lider ng Simbahan

Bilang lider ng Simbahan, maaaring hilingin sa iyo na tumulong sa pagbibigay ng payo o suporta sa mga taong dumaranas ng adiksiyon o pag-uugaling mahirap baguhin. Ang proseso ng paggaling ay maaaring magtagal. Bilang lider ng Simbahan, magtiwala sa tao at maging maunawain kung may pinagdaraanang setback o pag-uulit ng binabagong ugali ang tao. Ang mga taong pinaglalabanan ang mga ito ay maaaring makaramdam ng damdamin na hindi sila karapat-dapat at pinanghihinaan ng loob. Ang regular na suporta at paghihikayat ay makatutulong sa tao na magtagumpay. Maaari kang magbigay ng pag-asa at paghihikayat, lalo na kapag nahihirapan ang miyembro.

Maaari ka ring makipag-ugnayan sa inyong lokal na tanggapan ng Family Services (kung saan mayroon) para sa isang libreng konsultasyon kung paano tulungan ang mga ginagabayan mo.

Ang Gabay sa Programa

Maaaring gamitin ng mga lider ng Simbahan ang Pagpapagaling sa pamamagitan ng Tagapagligtas: Ang Addiction Recovery Program 12 Hakbang na Gabay sa Pagrekober kapag nakikipagtulungan sa mga miyembrong nahihirapan sa adiksiyon. Talakayin ang mga hakbang at alituntunin sa oras ng pagbisita, magkasamang suriin ang mga bahagi ng pag-aaral, at gawin ang mga asaynment o takdang aralin mula sa aklat. Ang gabay ay maaaring magbigay ng balangkas para tingnan ang pag-unlad tungo sa pagrekober. Ang 12 hakbang ay gumagamit ng mga alituntunin ng ebanghelyo upang matulungan ang mga miyembro na madaig ang adiksiyon sa pamamagitan ng tulong ng Tagapagligtas. Gamitin ang gabay upang tulungan ang mga miyembro na lumapit kay Cristo. Ang gabay ay makukuha bilang MP3, PDF, Braille o nakalimbag na kopya sa mahigit 30 wika.

Maaari ring gamitin ng mga lider ang Gabay sa Pagsuporta: Tulong para sa mga Asawa at Pamilya ng mga Taong Nagpapagaling upang makatulong na suportahan ang mga asawa at miyembro ng pamilya ng mga taong pinipilit daigin ang adiksiyon.

Mga Recovery Meeting

Mahihikayat ng mga lider ng Simbahan ang mga miyembro na pinapayuhan nila na dumalo sa mga recovery meeting. Ang mga lider at iba pang mga miyembro ay malugod ring tinatanggap sa mga miting at maaaring tumulong sa mga miyembro na maging komportable na dumalo sa isang miting.

Ang mga miting ay walang bayad at kompidensyal at hindi kailangan ng referral. Sa mga miting na ito, ang mga miyembro ay makakahanap ng suporta mula sa kapwa at tulong mula sa isa‘t isa.

Ang mga asawa at kapamilya na nagdurusa rin mula sa adiksiyon ng kanilang mga mahal sa buhay ay maaaring makinabang mula sa pagdalo ng mga support group para sa mga asawa at kapamilya. 

Kung nais mong humiling ng isang miting sa inyong lugar, mangyaring makipag-ugnayan sa lokal na tanggapan ng Family Services (sa Estados Unidos at Canada) o kontakin ang inyong area welfare and self-reliance manager.