Kon ikaw adunay kapikas o minahal nga nanglimbasog sa pagkaadik o ubang problemado nga mga kinaiya, tingali mobati ka mawad-an og kadasig, gibudhian, masakitan, o mawad-an sa paglaom. Tingali mabalaka ka mahitungod sa dagkong mga sangputanan nga daw modat-og kanimo ug sa imong minahal. Tingali gibati lang nimo ang kabalaka ug gustong motabang. Makakuha ka og suporta ug makakaplag og pagkaayo pinaagi sa suporta nga mga grupo alang sa kapikas ug pamilya.

Dili igsapayan kon ang imong minahal makakat-on o dili kon unsaon sa pagkab-ot ug pagpabilin nga naayo sa pagkaadik, makadawat ka og kalinaw ug pagkaayo pinaagi sa Manluluwas nga si Jesukristo. Tingali nag-antos ka tungod sa mga pagpili sa usa ka minahal, apan samtang imong gamiton ang mga baruganan sa ebanghelyo sa imong kinabuhi, makakaplag ka og kalinaw ug makabati sa gugma sa imong Langitnong mga Ginikanan.