Kung ikaw ay may asawa o mahal sa buhay na nahihirapan sa adiksyon o iba pang problema sa pag-uugali, maaaring nanghihina ang loob mo, nadaramang pinagtaksilan ka, nasasaktan, o nawawalan na ng pag-asa. Maaaring nag-aalala ka tungkol sa mabibigat na bunga na tila nakalukob sa iyo at sa iyong mahal sa buhay. Marahil nag-aalala ka lamang at nais mong makatulong. Maaari kang makatanggap ng suporta at paggaling sa pamamagitan ng mga support group sa asawa at pamilya.

Madaig man o hindi ng iyong mahal sa buhay ang kanyang adiksyon, maaari kang makatanggap ng kapayapaan at paggaling mula sa Tagapagligtas na si Jesucristo. Maaaring nahihirapan ka dahil sa mga pagpili ng isang mahal sa buhay, pero kapag ipinamuhay mo ang mga alituntunin ng ebanghelyo, magkakaroon ka ng kapayapaan at madarama ang pagmamahal ng iyong mga Magulang sa Langit.